Mərkəzi Gömrük Hospitalının müasir mikroskop və histoloji avadanlıqlarla tam təchiz olunmuş Patomorfoloji Diaqnostika şöbəsində histomorfoloji, sitoloji, histokimyəvi, immunohistokimyəvi müayinələr yüksəkixtisaslı həkim-patomorfoloqlar tərəfindən həyata keçirilir.

Patomorfoloji müayinə toxuma və orqanlarda mövcud olan patoloji prosesi hüceyrə səviyyəsində müəyyən etmək üçün insan orqanizminin ətraflı öyrənilməsi üsuludur. Bu müayinələr xəstəliyin diaqnostikası, mərhələsinin müəyyən edilməsi, differensial diaqnostika, müalicə taktikası və istiqamətinin təyini, kimyəvi dərman və radiasiya müalicəsi zamanı terapevtik effektivliyin təyin edilməsində böyük əhəmiyyət kəsb edir. Histoloji analiz üçün material vizual nəzarət altında: endoskopiya, ultrasəs, KT, MRT və ya əməliyyat zamanı biopsiyadan istifadə etməklə əldə edilir. Mədə-bağırsaq traktının endoskopik müayinəsi zamanı biopsiya standart diaqnostik prosedurdur.

Patomorfoloji diaqnostik müayinələr həm şiş/neoplastik proseslərdə, həm də qeyri-şiş iltihabi patologiyalar zamanı aparılır. Əməliyyat sırasında aparılan təcili müayinələr zamanı toxumalar Leica Frozen cihazı ilə kəsilib hazırlanır.

Geniş spektrumda immunohistokimyəvi boyamalar həm manual, həm də Leica BOND Max Biosystem cihazı ilə həyata keçirilir.

Materialların ümumi işlənməsində hermetik biosistemdən istifadə olunur. Patomorfoloji laboratoriyada spesimenlər Leica CM 1100 (Almaniya), Sacura ACCU-CUT (Yaponiya) mikrotomlarda kəsilir, Nikon Eclipse 50 İ mikroskoplarda vizual müayinələr aparılır. Histoloji, histokimyəvi və immunohistokimyəvi tədqiqatlarda İtaliya və Almaniya istehsalı olan reaktivlərdən istifadə edilir.

Patomorfoloji Diaqnostika şöbəsinin rəisi, uzman patomorfoloq Zərifə Yusifli, patomorfoloqlar Müqabil Şıxaliyev və Emin Mirzəyev müayinələri yüksək dəqiqliklə həyata keçirirlər.

Əməliyyat zamanı əvəzedilməz sayılan frozen section müayinəsi patomorfoloqlarımız tərəfindən uğurla həyata keçirilir.

Bizim Patomorfoloji diaqnostika şöbəsinin laboratoriyasında aparılan müayinələr:

SİTOLOJİ DİAQNOSTİKA

• Punksion maye və ifrazat yaxmalarında patoloji proseslərin təyini
• Papsmear (uşaqlıq boynu)
• Atipik hüceyrələrin təyini (qeyd: punksion mayelər 2 saat ərzində laboratoriyaya çatdırılmalıdır)
   

BİOPSİYALAR

• Burun-udlaqdan
• Tənəffüs sistemindən
• Mədə-bağırsaq sistemindən
• Sidik kisəsindən
• TUR (trans uretral rezeksiya)
• Qadın cinsiyyət orqanlarından (küretaj)

FROZEN SECTION - cərrahi əməliyyat zamanı təcili (15-20dəq. ərzində) aparılan patohistoloji müayinə

İMMUNOHİSTOKİMİYA REAKSİYALARI 

• Əks cisimlərin əhəmiyyəti və bədxassəli proseslərdə təyini
• Prosesin bəd xassəliyini təyin edir- P53
• Bədxassəli hüceyrələrin mitotik aktivliyinin təyini- Ki 67 
• Vaskulyarizasiya dərəcəsinin təyini- Vascular Endothelial Growth Factor 
• Süd vəzisində, mədədə, qaraciyərdə-C-erb (Her2,neu) 
• Dəri (melanoma)- Tyrosinase 
• Dəri (melanoma), squamous (yastı epitel karsinoma), periferik sinir şişləri, xordoma-S-100
• Limfomalar (Hodckin və qeyri Hodckin) -ALK; CD10; CD 20; CD30 (Reed-Sternberg
• Cell Marker); CD45RA; CD45RO; CD68 / Macrophage Marker; CD79a / mb-1
• (B Cell Marker); Oct-2; Cyclin D1 / Bcl-1; CD56; CD99; Cd15;
• Endotelial cell marker (damar şişləri)- CD31; Cd34
• Sidik kisəsi; mədə-bağırsaq- Keratin 7; Keratin 20; HMWC (yüksək molekulyar çəkidə
• keratinlər); Keratin 8; C-erb(Her2,neu); Cyclin D1; EMA; VEGF ; Villin, CDX-2 
• Ewings Sarcoma Marker- CD99 / MIC2 
• Rabdomiosarkoma, Leyomiosarkoma- Desmin (Muscle Cell Marker) 
• Sümük və yumşaq toxuma ( iri hüceyrəli şişlərdə)- CD68 
• Metastatik epitelial prosesin təyini- Pan Keratin; Keratinlər (7; 8; 8/18; 20) CEA; EMA 
• Fibrosarkoma- Vimentin 
• Süd vəzi, prostat- GCDFP-15
• Neyroendokrin proseslərdə- Synaptophysin, Chromaqranin 
• Stromal törəmələrdə- CD117; DOG1 
• Hepatocyte qaraciyər- AFP 
• Yumurtalıqlar- CA 125 (Ovarian Cancer Antigen) 
• Qlial törəmələr- GFAP (Glial Fibrillary Acidic Protein)

HİSTOKİMYA METODLARI 

• Mədə-bağırsaqda Helicobacter pylori təyini
• Qaraciyərdə iynə biopsiysı aparılaraq təyin olunan patologiyalar:
• Hepatitlərdə fibroz və nekrozun dərəcələri
• Fokal nodulyar hiperplaziyalar
• Sirroz
• Böyrək və qaraciyər toxumasında amiloid zülalın təyini
• Müxtəlif orqanlarda displaziya dərəcəsinin qiymətləndirilməsi