Orta Tibb Personalı • Mərkəzi Gömrük Hospitalı

Tibb bacılarımız və qardaşlarımız hər bir pasiyentə yalnız xəstə kimi deyil, doğması kimi yanaşır. Onlar üçün hər xəstə fərdi bir hekayədir. Uşaqdan yaşlıya, cərrahiyyə əməliyyatından reanimasiya nəzarətinə qədər hər mərhələdə onlar pasiyentin ən yaxın dəstəkçisi olurlar.

Ağrını azaltmaqla yanaşı, qorxunu yüngülləşdirir, ümidi artırırlar. Onlar üçün xəstənin “tezliklə sağalmaq”

arzusu sadəcə bir nəticə deyil, bir hədəfdir.

Mərkəzi Gömrük Hospitalının tibb bacıları beynəlxalq standartlara uyğun təlimlərdən keçir, müasir tibbi texnologiyaları mənimsəyir, daim yenilənən tədris proqramlarında iştirak edirlər. Lakin onların əsl gücü biliklərini şəfqətlə birləşdirməyi bacarmalarıdır.
Onlar hər gün əməliyyat otaqlarında, palatalarda, reanimasiya şöbəsində, bəzən də bir nəfərlik otaqda, səssiz-səmirsiz bir qəhrəmanlıq sərgiləyirlər. İş saatı başa çatandan sonra da fikirləri xəstədə qalır. Bir uşağın gülümsəməsi, yaşlı bir insanın “çox sağ ol, qızım/oğlum” deməsi onların bütün yorğunluğunu unutdurur. Tibb bacıları və qardaşları həkimlərlə sıx əməkdaşlıq edərək pasiyentlərin xəstə təhlükəsizliyi, keyfiyyətli xidmət və davamlı təkmilləşmə missiyasını daşıyırlar.
Mərkəzi Gömrük Hospitalının tibb bacıları və qardaşlarının fədakarlığı, etik dəyərlərə sadiqliyi və insani yanaşmaları sayəsində minlərlə insan sağlamlığına qovuşur, minlərlə ailə sevinir.