İnvaziv kardioloqlar tərəfindən TAVİ əməliyyatı, EVAR əməliyyatı, döş qəfəsində olan anevrizmalar və yırtıqların ayaq damarından girilərək bağlanması prosedurları, Perkutan Transluminal Koronar Angioplastika Proseduru, stent tətbiqi, ürək boşluqlarının kateterizasiyası, döş qəfəsi və qarnın aortaqrafiyası, periferik angioqrafiya, renal angioqrafiya, aortaqrafiya kimi müasir müayinə və müalicə üsulları həyata keçirilir.
2023-cü ilin sentyabr ayından etibarən icbari Tibbi Sığorta üzrə Dövlət Agentliyinin xidmətlər zərfi çərçivəsində Transkateter Aorta Qapağı implantasiyası (TAVİ) əməliyyatı uğurla icra olunur. TAVİ əməliyyatı Azərbaycanda nadir icra olunan əməliyyatlardan və tibbin son nailiyyətlərindən biridir. TAVİ əməliyyatı narkoz verilmədən, ümumi anesteziya olmadan, sadəcə yüngül sedasiya vasitəsilə heç bir kəsik açılmadan həyata keçirilir. Azərbaycanda ilk dəfə 2023-cü ilin noyabr ayında qoltuqaltı və korpusaltı damarlardan girilərək ürəyin aorta klapanının dəyişdirilməsi əməliyyatı Mərkəzi Gömrük Hospitalında icra olunub.
İNVAZİV (Müdaxiləvi) Kardiologiya
Ürək damar xəstəliklərinin diaqnostikasında istifadə edilən ən əhəmiyyətli üsul olan Koronar Angioqrafiya və damar xəstəliyi müşahidə edildikdə koronar angioqrafiya radial arteriyadan daxil olunaraq ürəyi gidalandıran damarların göstərilməsi əməliyyatıdır. Bu əməliyyat sayəsində ürəyi qidalandıran damarlarda darlıq və ya tıxanma olub olmadığı müəyyən olununur. Koronar angioqrafiya sonrasında dərman müalicəsi, balon-stent tətbiq olunması və ya koronar şuntlama (by-pass) əməliyyatına qərar verilə bilər.
KORONAR İNTENSİV TERAPİYA
Koronar İntensiv Terapiya blokunda, tam təchizatlı monitor sistemi olan və xüsusi təhsilli tibb bacılarının xidmət etdiyi otaqlar vardır. Lazım olduğu təqdirdə şok vəziyyətində olan xəstələrə ürəyin gücünü artırmaq məqsədi ilə intraaortik balon pompası və ürək blokadalarında müvəqqəti elektrokardiostimulyator tətbiq oluna bilər.
EXOKARDİOQRAFİYA (ExoKQ)
Ürəyin ultrasəs cihazı vasitəsi ilə boşluqları, qapaqları və ürək əzələsinin yığılma funksiyasına baxılır. Ayrıca süni ürək qapaqlarının funksiyasını və ürək içindəki laxtanı (trombu) görmək üçün Transezofagial exokardioqrafiya (TEE=yemək borusundan girilərək) edilməkdədir. Ürək əzələsinin canlılığının müəyyən olunması və yığılma funksiyalarının qiymətləndirilməsi üçün damardan Dobutamin kimi xüsusi dərmanlar verilərək Dobutamin Stress Exokardioqrafiya metodundan istifadə edilməkdədir.
HOLTER
Xəstəyə taxılan xüsusi bir cihaz sayəsində, 24 saatlıq elektrokardioqrafiya təqibi edilərək ritm pozulması (aritmiya) diaqnozu qoyulur. Fiziki Aktivlik Testi (Stress Test) Tac Arteriyaların Xəstəliyi (İşemik urək xəstəliyi) diaqnozunun qoyulmasında, müalicə edilən xəstələrin təqibində və ürək qapağı xəstələrinin fiziki aktivlik dərəcəsinin müəyyən olunmasında istifadə edilən bir üsuldur.
