“Region gənclərinin narkomaniya ilə mübarizə üzrə II Forumu" keçiriləcək.
16 mart 2026-cı il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Sumqayıt şəhər İcra Hakimiyyətinin birgə təşkilatçılığı ilə “Region gənclərinin narkomaniya ilə mübarizə üzrə II Forumu" keçiriləcək.
Sumqayıt şəhər Muğam Mərkəzində baş tutacaq tədbirdə “Yeni növ narkotik və psixotrop maddələrdən sui-istifadə: Müasir dövrün aktual problemi və qlobal təhlükəsizlik çağırışları”, “Narkomaniyaya qarşı mübarizədə gömrük nəzarətinin əhəmiyyəti, profilaktik və nəzarət funksiyaları”, “Narkotiklərlə bağlı cinayətlərin aşkarlanmasında polis orqanlarının rolu: cinayət təqibi və cəza prosesinin hüquqi və praktiki mərhələləri”, “Maarifləndirmə kontekstində gənclərin narkomaniyadan qorunması: preventiv və institusional mexanizmlər” və “Cəmiyyətin səfərbərliyi: ictimai fəaliyyət və könüllülük mexanizmləri kontekstində narkomaniyaya qarşı mübarizə” mövzularda ümumilikdə 5 məruzə dinləniləcək. Tədbir müzakirələr və sual-cavab sesiyaları vasitəsilə interaktiv şəklində həyata keçiriləcək.
Forum proqrama uyğun olaraq gənclər və tələbələr üçün nəzərdə tutulmuşdur.
Yerlər məhdud olduğu üçün qeydiyyatdan keçmək MÜTLƏQDİR!
Forumda iştirak ödənişsizdir. Hərkəs Forumda iştirak üçün dəvətlidir!
