“28 iyul Ümumdünya Hepatit Günü”nə həsr edilmiş Beynəlxalq Elmi Tədbir keçiriləcək
28-29 iyul 2021-ci il tarixlərində Dövlət Gömrük Komitəsi Tibbi Xidmət İdarəsi Elmi-Təcrübi və Tədris Mərkəzinin, Mərkəzi Gömrük Hospitalının və Mərkəzi Gömrük Hospitalın rəsmi tərəfdaşı Florence Nightingale Xəstəxanalar Qrupunun birgə təşkilatçılığı ilə ZOOM platforması üzərindən “28 iyul Ümumdünya Hepatit Günü”nə həsr edilmiş “Birinci Bakı Beynəlxalq Hepatologiya və Qaraciyər Transplantasiyası Günləri” adlı Onlayn Elmi Tədbir keçiriləcəkdir.
2 gün ərzində həyata keçiriləcək tədbirdə “Viral hepatitlər”, “Uşaq və böyüklərdə autoimmun və metabolik qaraciyər xəstəlikləri”, “Qaraciyər transplantasiyasına multidisiplinar yanaşma” mövzularında panel müzakirələr, eləcə də təcrübə mübadiləsinin təmin olunması üçün sual-cavab sesiyaları təşkil olunacaq. Ümumilikdə tədbirdə yerli və beynəlxalq mütəxəssislər tərəfindən 24 məruzə dinləniləcək.
Proqramın 80 faizini tamamlayan hərkəsə onlayn sertifikat veriləcək.
Tədbir akkreditasiya edilməsi üçün Səhiyyə Nazirliyinin elektron bazasından qeydiyyatdan keçirilmişdir.
Tədbirdə iştirak ödənişsizdir. Hərkəs tədbirdə iştirak üçün dəvətlidir! Yerlər məhdud olduğu üçün qeydiyyatdan keçmək MÜTLƏQDİR!
