Beynəlxalq elmi konfrans • 25 fevral Covıd-19 və xəstəxanadaxili infeksiyalar

KONFRANSIN MƏQSƏD VƏ VƏZİFƏLƏRİ

MƏQSƏD

Koronavirus xəstələrinin müalicəsi ilə məşğul olan tibb müəssisələrində xəstəxanadaxili infeksiyalarla mübarizə işinin təkmilləşdirilməsi

VƏZİFƏLƏR

Koronavirus xəstələrinə qulluq edən tibb personalının bilik və bacarıqlarının təkmilləşdirilməsi məqsədilə təcrübə mübadiləsinin təmin edilməsi
Tibb personalının koronavirus xəstələrinə qulluq prosesinin təşkili ilə bağlı vacib məqamlar barədə məlumatlandırılması

"COVID-19 və xəstəxanadaxili infeksiyalar" mövzusunda Beynəlxalq Elmi Konfrans keçiriləcək

25 fevral 2022-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə "COVID-19 və xəstəxanadaxili infeksiyalar" mövzusunda Beynəlxalq Elmi Konfrans həyata keçiriləcək.

Onlayn şəkildə ZOOM platforması üzərindən həyata keçirilməsi planlaşdırılan Beynəlxalq Elmi Konfrans panel müzakirələr və sual-cavab sesiyaları vasitəsilə interaktiv şəklində həyata keçiriləcək.

Konfrans proqrama uyğun olaraq xüsusilə infeksionist, terapevt, cərrah və anestezioloq-reanimatoloq ixtisasına malik həkimlər üçün nəzərdə tutulmuşdur.

Proqramın 80 faizini tamamlayan hər bir iştirakçıya 8 DTT balı və sertifikat veriləcək.
Yerlər məhdud olduğu üçün qeydiyyatdan keçmək MÜTLƏQDİR!
Konfransda iştirak ödənişsizdir. Hərkəs konfransda iştirak üçün dəvətlidir!