“SARS-CoV-2 (COVİD-19) kompleks diaqnostikasına müasir yanaşmalar” mövzusunda həsr edilmiş Beynəlxalq Elmi Konfrans keçiriləcək
15 mart 2022-ci il tarixində Dövlət Təhlükəsizliyi Xidmətinin Hərbi Tibb Baş İdarəsi və Dövlət Gömrük Komitəsi Tibbi Xidmət İdarəsinin birgə təşkilatçılığı ilə “SARS-CoV-2 (COVİD-19) kompleks diaqnostikasına müasir yanaşmalar” mövzusunda həsr edilmiş Beynəlxalq Elmi Konfrans həyata keçiriləcək.
Hibrid şəkildə həyata keçirilməsi planlaşdırılan Beynəlxalq Elmi Konfransda “COVID-19: Laborator xidmətin təşkili” və “COVID-19: Laborator diaqnostika və müalicədə yeniliklər” başlıqlı 2 paneldə yerli və xarici mütəxəssislər tərəfindən ümumilikdə 9 məruzə dinləniləcək. Konfrans panel müzakirələr və sual-cavab sesiyaları vasitəsilə interaktiv şəklində aparılacaq.
Proqrama uyğun olaraq laborant, virusoloq, mikrobioloq, gigiyenist, anestezioloq-reanimatoloq, terapevt, infeksionist, epidemioloq ixtisasına malik həkimlər konfransda iştirak edə bilərlər.
- Proqramın 80 faizini tamamlayan hər bir iştirakçıya 8 DTT balı və sertifikat veriləcək.
- Konfransda iştirak ödənişsizdir. Hərkəs konfransda iştirak üçün dəvətlidir!
