"Şəkərli Diabet Xəstəliyinə Müasir Yanaşma: Problemlər və Gələcək Hədəflər" Vebinar keçiriləcək
12 noyabr 2021-ci il tarixində Dövlət Gömrük Komitəsi Tibbi Xidmət İdarəsi Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə ZOOM platforması üzərindən “14 noyabr – Ümumdünya Diabet Günü”nə həsr edilmiş "Şəkərli Diabet Xəstəliyinə Müasir Yanaşma: Problemlər və Gələcək Hədəflər" mövzusunda Vebinar həyata keçiriləcəkdir.
2 saat ərzində davam edəcək vebinarda “Kardiovaskulyar xəstəliklər və diabet”, “Diabetik nefropatiya”, “Diabetik retinopatiya”, “Koronaviruslu xəstələrdə diabetin menecmenti” mövzularında ümumilikdə 4 məruzə dinləniləcək, həkimlər arasında təcrübə mübadiləsinin təmin edilməsi üçün interaktiv sual-cavab sesiyaları təşkil olunacaq.
* Proqramın 80 faizini tamamlayan hər bir iştirakçıya onlayn sertifikat veriləcək.
* Tədbirdə iştirak ödənişsizdir. Hərkəs tədbirdə iştirak üçün dəvətlidir!
* Yerlər məhdud olduğu üçün qeydiyyatdan keçmək MÜTLƏQDİR!
