“Xəstəxanadaxili infeksiyaların idarə olunmasında müasir tendensiyalar və innovativ yeniliklər” mövzusunda ekspertlərin görüşü həyata keçiriləcək
23 aprel 2025-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzi, Mərkəzi Gömrük Hospitalı, rəsmi tərəfdaş Florence Healthcare İnternational qrupu, Azərbaycan İnfeksion Xəstəlikləri və Klinik Mikrobiologiya Cəmiyyətinin birgə təşkilatçılığı, Nəsil Qrup MMC və Ascent MMC şirkətlərinin dəstəyi ilə “Xəstəxanadaxili infeksiyaların idarə olunmasında müasir tendensiyalar və innovativ yeniliklər” mövzusunda ekspertlərin görüşü həyata keçiriləcək.
Xəstəxanadaxili infeksiyalarla mübarizə sahəsində effektiv idarəetmə strategiyalarının müəyyənləşdirilməsi və tibb müəssisələrində infeksiyaya nəzarət işinin təkmilləşdirilməsi məqsədilə təşkil olunacaq tədbir zamanı Azərbaycan və Türkiyənin yüksəkixtisaslı mütəxəssisləri tərəfindən təqdimatlar ediləcək və auditoriyanı maraqlandıran suallar cavablandırılacaq.
Tədbir saat 15:30-dan 18:00-dək əyani şəkildə Mərkəzi Gömrük Hospitalının akt zalında həyata keçiriləcək. Tədbirdə iştirak yalnız dəvətnamə əsasında mümkündür.
Proqramla tanış olmaq üçün keçid:
Tədbirlə bağlı əlaqə: 051 232 66 64
