"Qaraciyər transplantasiyasından sonra pasiyentlərin stasionarda təqibi" mövzusunda Elmi Simpozium keçiriləcək
5 fevral 2026-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə "Qaraciyər transplantasiyasından sonra pasiyentlərin stasionarda təqibi" mövzusunda Elmi Simpozium həyata keçiriləcək.
Dövlət Gömrük Komitəsinin inzibati binasında həyata keçirilməsi planlaşdırılan Elmi Simpoziumda yüksəkixtisaslı mütəxəssislər tərəfindən “Qaraciyər transplantasiyasından sonra pasiyentlərin erkən menecmenti”, “Qaraciyər transplantasiyası sonrası pasiyentlərin stasionar monitorinqi”, “Əməliyyat otağından reanimasiya və intensiv terapiya şöbəsinə köçürülmə”, “Solid orqan transplantasiyası olan xəstələrdə səhiyyə xidməti ilə əlaqəli infeksiyalar və qarşısının alınması” və “Mən niyə donor olmalıyam?” mövzularında ümumilikdə 5 məruzə dinləniləcək. Tədbir müzakirələr və sual-cavab sesiyaları vasitəsilə interaktiv şəklində həyata keçiriləcək.
Tədbir proqrama uyğun olaraq xüsusilə ümumi cərrah, transplantoloq, anestezioloq-reanimatoloq, infeksionist, hepatoloq ixtisasına malik həkim və rezidentlər üçün nəzərdə tutulmuşdur.
Tədbirdə iştirak ödənişsizdir.
Tədbirdə iştirak yalnız dəvətnamə əsasındadır.
