"Narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizənin hüquqi, tibbi və sosial aspektləri" mövzusunda Dəyirmi masa keçiriləcək.
29 dekabr 2025-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə "Narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizənin hüquqi, tibbi və sosial aspektləri" mövzusunda Dəyirmi masa həyata keçiriləcək.
Ümumdünya Gömrük Təşkilatının (ÜGT) Bakı şəhərində yerləşən Potensialın Gücləndirilməsi üzrə Avropa Regional ofisində həyata keçirilməsi planlaşdırılan Dəyirmi masada “Yeni növ narkotik və psixotrop maddələrdən sui-istifadə: müasir dövrün aktual problemi və onun qlobal təhlükəsi”, “Dövlət sərhədindən buraxılış məntəqələrində narkotiklərin qaçaqmalçılığı ilə mübarizə istiqamətində əldə edilmiş nailiyyətlər”, “Narkotik vasitələrin, psixotrop maddələrin və onların prekursorlarının qanunsuz dövriyyəsi ilə mübarizə sahəsində Respublika Daxili İşlər orqanlarının təcrübəsi”, “Ölkəmizdə narkotik vasitələrin və psixotrop maddələrin istifadəsinin epidemioloji vəziyyət və onun xüsusiyyətləri” və digər mövzularda təqdimatlar dinləniləcək.
Tədbir müzakirələr və sual-cavab sesiyaları vasitəsilə interaktiv şəkildə həyata keçiriləcək.
Tədbir proqrama uyğun olaraq dövlət qurumlarının aparıcı mütəxəssisləri və media nümayəndələrinin iştirakı üçün nəzərdə tutulmuşdur.
Tədbirdə iştirak dəvətnamə əsasında həyata keçiriləcəkdir.
