“Ana və uşaq sağlamlığı: Mövcud problemlərə müasir baxış” mövzusunda Beynəlxalq Elmi Konfrans həyata keçiriləcək
8 may 2025-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının birgə təşkilatçılığı, Masallı rayon İcra Hakimiyyəti, TƏBİB, “Azərbaycan Ürək və Sağlamlıq Assosiasiyası” İctimai Birliyi və Ascent MMC şirkətinin dəstəyi ilə Masallı Rayon H.Əliyev Mərkəzində cənub regionunun (Lənkəran, Masallı, Astara, Lerik, Yardımlı, Cəlilabad, Biləsuvar, Salyan rayonları və Şirvan şəhərinin) tibb işçiləri üçün Ümummilli lider Heydər Əliyevin anadan olmasının 102-ci ildönümünə həsr edilmiş “Ana və uşaq sağlamlığı: Mövcud problemlərə müasir baxış” mövzusunda Beynəlxalq Elmi Konfrans həyata keçiriləcək.
Konfrans zamanı Azərbaycan, Türkiyə və Böyük Britaniyanın yüksəkixtisaslı mütəxəssisləri tərəfindən təqdimatların edilməsi və ölkəmizdə çalışan həkimlərin beynəlxalq təcrübədən yararlanması üçün panel müzakirələrin təşkil olunması nəzərdə tutulub.
Proqrama uyğun olaraq konfrans mama-ginekoloq, neonatoloq, pediatr, kardioloq, həkim-laborant, radioloq, ürək-damar cərrahı, uşaq cərrahı, anestezioloq-reanimatoloq, uroloq, qastroenteroloq və nevropatoloq ixtisaslı həkim və rezidentlər üçün nəzərdə tutulmuşdur.
Elmi Konfransın akkreditasiyası üçün Azərbaycan Respublikası Səhiyyə Nazirliyinə müraciət edilmişdir.
Konfransda iştirak ödənişsizdir.
Proqramla tanış olmaq üçün keçid:
Tədbirlə bağlı əlaqə: 051 232 66 64
