"Tibb və hüquq prizmasından orqan transplantasiyası"  mövzusunda Tibb Tələbələrinin I Forumu keçiriləcək

24 yanvar 2026-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi   və Tədris Mərkəzinin və Mərkəzi Gömrük Hospitalının birgə təşkilatçılığı, Azərbaycan Respublikası Səhiyyə Nazirliyinin Orqan Donorluğu və Transplantasiyası üzrə Koordinasiya Mərkəzinin və “Həkimlər və Təbib Tələbələr” İctimai Birliyinin dəstəyi  ilə "Tibb və hüquq prizmasından orqan transplantasiyası" mövzusunda Tibb Tələbələrinin I Forumu keçiriləcək.

Mərkəzi Gömrük Hospitalının akt zalında həyata keçirilməsi planlaşdırılan Forumda “Meyitdən orqan transplantasiyası: Beyin ölümünün təyini kriteriyaları”, “Transplantasiya və insan həyatı: elmi nailiyyətlər, bu günün reallıqları və gələcəyin perspektivləri”, “Həyatı hədiyyə verməyin gücü: Mən niyə donor olmalıyam?” və “Donorluq və transplantasiya: hüquqi çərçivə və sosial təsirlər” mövzularında yüksəkixtisaslı mütəxəssislər tərəfindən ümumilikdə 4 məruzə dinləniləcək. Tədbir müzakirələr və sual-cavab sesiyaları vasitəsilə interaktiv şəklində həyata keçiriləcək.

Tədbir proqrama uyğun olaraq tibb tələbələri üçün nəzərdə tutulmuşdur.
Yerlər məhdud olduğu üçün qeydiyyatdan keçmək MÜTLƏQDİR!
Tədbirdə iştirak ödənişsizdir. Hərkəs tədbirdə iştirak üçün dəvətlidir!