Ümummilli Lider H.Əliyevin anım gününə həsr edilmiş “III Zərərli vərdişlərlə mübarizə və sağlam həyat tərzi” Forumu həyata keçiriləcək
11 dekabr 2025-ci il tarixində Dövlət Gömrük Komitəsinin Tibbi Xidmət İdarəsinin və Mərkəzi Gömrük Hospitalının təşkilatçılığı ilə “Könüllü Gömrükçü” dəstəsinin üzvləri üçün Ümummilli Lider H.Əliyevin anım gününə həsr edilmiş “III Zərərli vərdişlərlə mübarizə və sağlam həyat tərzi” Forumu keçiriləcək.
Mərkəzi Gömrük Hospitalının akt zalında baş tutacaq forumda “Narkotik və psixotrop maddələrdən sui-istifadə: müasir dövrün aktual problemi və onun qlobal təhlükəsi”, “Sağlamlıq və tütünçəkmə: Risklər, fəsadlar və profilaktika”, “Hərəkətin gücü: Fiziki aktivliyin sağlamlığın qorunmasında və xəstəliklərin profilaktikasında rolu”, “Z-nəslinin psixi sağlamlığının qorunması: Stress menecmenti və emosional sabitlik “ və “Ulu öndərin könüllülük irsi – sağlam həyat tərzinin təbliğində könüllülüyün rolu”, mövzularında məruzələr dinləniləcək. Forum panel müzakirələr və sual-cavab sesiyaları vasitəsilə interaktiv şəklində həyata keçiriləcək.
Forumda iştirak ödənişsizdir.
Forum yalnız Könüllü Gömrükçü dəstəsinin üzvləri üçün nəzərdə tutulmuşdur.
Şəkillərin linki: https://we.tl/t-eUENc9K3T8
