II ZƏRƏRLİ VƏRDİŞLƏRLƏ MÜBARİZƏ VƏ SAĞLAM HƏYAT TƏRZİ FORUMU keçiriləcək

11 avqust 2023-ci il tarixində Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Könüllü Gömrükçü dəstəsinin birgə təşkilatçılığı ilə "Beynəlxalq Gənclər Günü”nə həsr edilmiş “II Zərərli vərdişlərlə mübarizə və sağlam həyat tərzi Forum”u keçiriləcək. 

Forumda zərərli vərdişlərlə mübarizə və sağlam həyat tərzinin təbliği istiqamətində gənclər üçün zəruri olan müxtəlif mövzularda təqdimatların dinlənilməsi, müzakirələr və interaktiv sual-cavab sesiyaları vasitəsilə həyata keçirilməsi planlaşdırılır.
Mərkəzi Gömrük Hospitalının akt zalında saat 14:00-dan 16:00-dək davam edəcək Forumda rəsmi nümayəndələr, könüllülər və gənclər təşkilatlarının üzvlərinin iştirak etməsi nəzərdə tutulub. 

Forumun müzakirə sessiyası və iştirakçılara sertifikatların təqdim edilməsi ilə yekunlaşdırılması planlaşdırılır.