“Uşaqlıqdan həkim-pediatr olmaq istəyirdim. Peşəmi çox sevirəm. Dünyaya uşaq gələndə çox sevinirəm ki, mən də bu uşaqların həyata gəlməsində iştirak edirəm. Onların sağlam böyüməsini və inkişafını görəndə qürur hissi duyuram ki, bu uşaqların gələcəkdə hər hansı bir peşə sahibi olmasında, cəmiyyətdə yer tutmalarında və vətəndaş olmaqlarında mənim də bir yerim var. Bütün uşaqların sağlam olmağını istəyirəm. Bunu həm ana, həm də həkim kimi deyirəm”.