"COVID-19-un müalicə və diaqnostikasına müasir yanaşma" mövzusunda seminar keçiriləcək

5 aprel 2022-ci il tarixində Azərbaycan Respublikası Ədliyyə Nazirliyinin Tibb Baş İdarəsi və Azərbaycan Respublikası Dövlət Gömrük Komitəsi Tibbi Xidmət İdarəsinin birgə təşkilatçılığı ilə “COVID-19-un müalicə və diaqnostikasına müasir yanaşma” mövzusunda seminar həyata keçiriləcək.

Seminarda “COVID-19 infeksiyasının diaqnostika və müalicəsində laborator müayinələrin əhəmiyyəti”, “COVID-19 müalicəsində diqqət edilməli vacib məqamlar“ və “COVID 19 pandemiyası dövründə BA (bronxial astma) və AXOX (ağciyərlərin xroniki obstruktiv xəstəliyi) xəstələrinin müalicəsi” mövzularında Mərkəzi Gömrük Hospitalının həkimləri tərəfindən hazırlanmış məruzələr dinləniləcək. Seminar sual-cavab sesiyaları vasitəsilə interaktiv şəklində həyata keçiriləcək.
 

Seminar əyani şəkildə Azərbaycan Respublikası Ədliyyə Nazirliyi İxtisaslaşdırılmış müalicə müəssisəsinin tibb xidmətinin Vərəm üzrə təlim mərkəzində həyata keçiriləcək.